22-sentabr poytaxt hokimligida navbatdagi “Investor kuni” bo‘lib o‘tdi. Unda Bektemir, Olmazor tumanlaridan tashrif buyurgan tadbirkor va investorlarning 20 dan ortiq loyihalari muhokama etildi. Bu haqda Spot xabar berdi.
“Toshkent shahar hokimi vazifasini bajaruvchi Jahongir Ortiqxo‘jayev loyihalarning avvalo, yangi ishchi o‘rinlari yaratilishi va aholi manfaatlariga har tomonlama mos bo‘lishi zarurligini ta’kidladi”, —deyiladi xabarda.
Xususan, Ortiqxo‘jayev Olmazor tumanida yillik tovar aylanmasi 5 million dollar bo‘lgan “Denta servis” xususiy stomatologiya va tibbiyotda og‘riqsizlantiruvchi dori vositalarini ishlab chiqarishga mo‘ljallangan korxona loyihasi bilan tanishdi.
Poytaxt hokimi loyihani qo‘llab-quvvatlab, poytaxtda sifatli xizmat ko‘rsatuvchi tibbiyot markazlari ko‘payishiga ishonch bildirdi.
5 soat davom etgan uchrashuvda Jahongir Ortiqxo‘jayev tavsiya etilgan loyihalarning 80 foizini ma’qulladi.
Izoh (0)