Moskva politsiyachilari turk tadbirkorlari bir necha yil davomida shug‘ullanib kelgan yashirin bank faoliyatiga chek qo‘ydi. Bu haqda “Kommersant” xabar bermoqda.
Kuch tizimlariga ko‘ra, Turkiyaning Skor Logistc logistika kompaniyasi egasi Salim Kurtulmush boshchilik qilgan guruh xorijiy va rossiyalik tadbirkorlarga chet elga katta summadagi pullarni olib chiqib ketishga ko‘maklashgan va buning ortidan millionlab, aniqrog‘i 9 million rubl ishlab olgan.
Tadbirkorning himoyachilari uning harakatlarida jinoyat alomatlari bo‘lmagani va u “Rossiya qonunchiligida islom bankingi tamoyillarini tartibga soluvchi normalar mavjud emasligi” tufayli jabrlanganini bildirmoqda.
Avgust oyi boshida Kurtulmush va uning 6 nafar sherigi (ular orasida Turkiya, O‘zbekiston va Rossiya fuqarolari borligi bildirilmoqda) qo‘lga olingan va uy qamog‘i chorasi qo‘llangandi. Guruhga noqonuniy bank faoliyati bilan shug‘ullanganlik yuzasidan ayblov e’lon qilindi.
Yaqinda sud ularning uy qamog‘i muddatini yana 2 oyga uzaytirdi.
Izoh (0)