Germaniya mudofaa vazirligi AQSh, Britaniya va Fransiyaning Suriyaga zarbalariga qo‘shilish imkoniyatini ko‘rib chiqmoqda, deb yozadi “Kommersant”.
Germaniyaning Bild gazetasi ma’lumotlariga ko‘ra, aviazarbalar berishda ishtirok etish iltimosi bilan Germaniyaga AQSh murojaat qilgan.
Germaniya harbiy-havo kuchlari tomonidan Suriyaga zarbalar berish imkoniyati ikki mamlakat delegatsiyalarining o‘tgan haftadagi uchrashuvida muhokama qilingan. Ular muhokama qilgan variantlar orasida Suriya armiyasi joylashgan nuqtalarga bevosita aviazarbalar berish hamda hujum oqibatlarini baholash uchun razvedka parvozlarini amalga oshirish ham bor.
Operatsiyalarda Germaniyaning Tornado jangovar samolyotlari qatnashishi, ularning nishonlari Suriya qo‘shinlarining harbiy infratuzilmasi, shu jumladan, aviabazalar, qo‘mondonlik punktlari, o‘q-dori omborlari bo‘lishi mumkin.
Avvalroq Amerika razvedkasi Suriya prezidenti Bashar Asad Idlibda qo‘shinlarga jangarilarga qarshi xlor qo‘llashga ruxsat bergani haqida darak beruvchi ma’lumotlarni qo‘lga kiritgan edi. Shu munosabat bilan Pentagon ehtimoliy javobni tayyorlamoqda, ammo Donald Tramp u aynan qanaqa bo‘lishiga qaror qilganicha yo‘q. Shunga qaramay, agar Vashington zarba berishga qaror qilsa, u avvalgilaridan eng kuchlisi bo‘lishi kutilmoqda.
Izoh (0)