Yaponiyaning Xokkaydo orolidagi zilzila qurbonlari soni 44 kishiga yetdi, 660 kishi jarohatlandi, deb xabar beradi “Exo Moskvi”.
6-sentabrga o‘tar kechasi Xokkaydoning Ibura tumanida 6,7 magnitudali zilzila sodir bo‘ldi. Zilzila o‘chog‘i 37 km chuqurlikda joylashgan.
Yer silkinishi kuchi 7 ball (yapon shkalasi bo‘yicha maksimal ko‘rsatkich)ni tashkil qilgan Atsuma qishlog‘i yaqinida zilzila chog‘ida ko‘plab yer o‘pirilishlari kuzatildi.
Shuningdek, orolning katta qismi elektr energiyasisiz qoldi. 2,95 millionta uyda chiroq o‘chdi. 7-sentabr kuni ertalabgacha 964 ta uyda elektr ta’minoti qayta tiklandi. Elektr toki ta’minotini to‘liq qayta tiklash bir haftaga yaqin vaqt olishi mumkin.
Titose yangi aeroporti zarar ko‘rgani uchun yopildi.
Avvalroq zilzila qurbonlari soni 20 kishidan oshgani haqida xabar berilgan edi.
Izoh (0)