Москва полициячилари турк тадбиркорлари бир неча йил давомида шуғулланиб келган яширин банк фаолиятига чек қўйди. Бу ҳақда «Коммерсантъ» хабар бермоқда.
Куч тизимларига кўра, Туркиянинг Skor Logistc логистика компанияси эгаси Салим Куртулмуш бошчилик қилган гуруҳ хорижий ва россиялик тадбиркорларга чет элга катта суммадаги пулларни олиб чиқиб кетишга кўмаклашган ва бунинг ортидан миллионлаб, аниқроғи 9 миллион рубль ишлаб олган.
Тадбиркорнинг ҳимоячилари унинг ҳаракатларида жиноят аломатлари бўлмагани ва у «Россия қонунчилигида ислом банкинги тамойилларини тартибга солувчи нормалар мавжуд эмаслиги» туфайли жабрланганини билдирмоқда.
Август ойи бошида Куртулмуш ва унинг 6 нафар шериги (улар орасида Туркия, Ўзбекистон ва Россия фуқаролари борлиги билдирилмоқда) қўлга олинган ва уй қамоғи чораси қўлланганди. Гуруҳга ноқонуний банк фаолияти билан шуғулланганлик юзасидан айблов эълон қилинди.
Яқинда суд уларнинг уй қамоғи муддатини яна 2 ойга узайтирди.
Изоҳ (0)