Nyu-Yorkda amalga oshirilgan terakt va 8 kishining o‘limida ayblanayotgan o‘zbekistonlik Sayfullo Saipovning advokatlari AQSh prezidenti Donald Tramp chiqishlari bilan tergovga bosim o‘tkazmoqda deb hisoblamoqda. Bu haqda “TASS” xabar berdi.
Ular himoyalari ostidagi shaxs ustidan bo‘lajak sud adolatli va haqqoniy o‘tishidan xavotir bildirgan.
Saipovning advokatlari sudya Vernon Broderikdan prokuraturani ayblanuvchi uchun o‘lim jazosi berishni talab qilish huquqidan mahrum etishni so‘radi. Ularga ko‘ra, bu masalada qaror qabul qilishi kerak bo‘lgan adliya vazirb Jeff Seshns Tramp unga bosim o‘tkazayotgani sababli xolis bo‘lishi mumkin emas.
Advokatlar bunga dalil sifatida Tramp Saipov hibsga olingandan so‘ng Twitter’da qoldirgan bir necha xabarni keltirgan. Ularda AQSh prezidenti O‘zbekiston fuqarosi uchun o‘lim jazosi berilishini talab qilgan.
Izoh (0)