G‘arbiy Qozog‘iston viloyatining Akjayik tumanida politsiyachi o‘z boshlig‘ini otib tashladi. Bu haqda “Moy gorod” xabar bermoqda.
— Hodisa Chapayevo posyolkasida, tuman ichki ishlar bo‘limi hovlisida ro‘y berdi. Politsiyachi tomonidan vzvod komandiri otib o‘ldirilgan. Tergov boshlandi, gumonlanuvchi qo‘lga olindi, — deya ma’lum qildi tuman hokimi Adil Jolamanov.
Halok bo‘lgan vzvod komandiri 29 yoshda bo‘lgani, gumonlanuvchi esa 24 yoshda ekanligi bildirilmoqda.
Viloyat sog‘liqni saqlash boshqarmasi matbuot xizmatiga ko‘ra, tez yordam voqea joyiga 4 daqiqada yetib borgan. Biroq o‘qotar quroldan yaralangan politsiyachi shifokorlar kelguncha jon bergan.
Izoh (0)