Ғарбий Қозоғистон вилоятининг Акжайик туманида полициячи ўз бошлиғини отиб ташлади. Бу ҳақда «Мой город» хабар бермоқда.
— Ҳодиса Чапаево посёлкасида, туман ички ишлар бўлими ҳовлисида рўй берди. Полициячи томонидан взвод командири отиб ўлдирилган. Тергов бошланди, гумонланувчи қўлга олинди, — дея маълум қилди туман ҳокими Адил Жоламанов.
Ҳалок бўлган взвод командири 29 ёшда бўлгани, гумонланувчи эса 24 ёшда эканлиги билдирилмоқда.
Вилоят соғлиқни сақлаш бошқармаси матбуот хизматига кўра, тез ёрдам воқеа жойига 4 дақиқада етиб борган. Бироқ ўқотар қуролдан яраланган полициячи шифокорлар келгунча жон берган.
Изоҳ (0)