Toshkent viloyati hududidan oʻtuvchi “Olmaota—Bishkek—Toshkent—Termiz”, “Toshkent—Oʻsh” va “Bektemir—Chorbogʻ” avtomobil yoʻllariga oʻrnatilgan fotoradarlar yordamida 2018-yilning 16-fevralidan 23-avgustiga qadar 77 mingdan ortiq qoidabuzarlik aniqlangani haqida avval xabar berilgan edi.
Oʻzbekiston IIV matbuot xizmatining qayd etishicha, Toshkent viloyati IIB Yoʻl harakati xavfsizligi boshqarmasi fotoradarlar qayd etgan qoidabuzarlik sonini hududlar kesimida tahlil qilgan.
Unga koʻra, Toshkent shahri — 25 623, Sirdaryo viloyati — 4053, Jizzax viloyati — 4099, Samarqand viloyati — 5936, Fargʻona viloyati — 4586, Namangan viloyati — 2595, Andijon viloyati — 3028, Qashqadaryo viloyati — 4464, Surxondaryo viloyati — 2163, Buxoro viloyati — 1359, Navoiy viloyati — 848, Xorazm viloyati — 769, Qoraqalpogʻiston Respublikasi — 554 va Toshkent viloyatiga tegishli boʻlgan 13 414 avtomobil belgilangan tezlikni oshirish qoidabuzarligini sodir etgan.
Bundan tashqari, maxsus avtomatlashtirilgan foto- va videoqayd etish texnika vositalari orqali aniqlangan qoidabuzarlikni koʻp marotaba sodir etib, toʻlovlarni oʻz vaqtida amalga oshirmayotgan haydovchilar roʻyxati shakllantirildi va undirish choralari koʻrilmoqda. Misol uchun:
- Matiz rusumli, davlat raqam belgisi 20 L 564 BA boʻlgan avtomashina 11 marotaba (jarima miqdori — 2 million 583 ming 600 soʻm);
- Cobalt rusumli, davlat raqam belgisi 10 C 080 LA boʻlgan avtomashina 8 marotaba (jarima miqdori — 2 million 66 ming 880 soʻm);
- Lacetti rusumli, davlat raqam belgisi 30 S 733 LA boʻlgan avtomashina 5 marotaba (jarima miqdori — 2 million 928 ming 80 soʻm);
- Spark rusumli, davlat raqam belgisi 10 C 014 KA boʻlgan avtomashina 5 marotaba (jarima miqdori — 1 million 550 ming 160 soʻm);
- Nexia rusumli, davlat raqam belgisi 01 D 120 JA boʻlgan avtomashina 5 marotaba (jarima miqdori – 861 ming 200 soʻm);
- Lacetti rusumli, davlat raqam belgisi 01 A 909 QA boʻlgan avtomashina 5 marotaba (jarima miqdori — 2 million 239 ming 120 soʻm);
- Lacetti rusumli, davlat raqam belgisi 80 G 969 HA boʻlgan avtomashina 4 marotaba (jarima miqdori — 588 ming 960 soʻm).
Izoh (0)