Тошкент вилояти ҳудудидан ўтувчи «Олмаота—Бишкек—Тошкент—Термиз», «Тошкент—Ўш» ва «Бектемир—Чорбоғ» автомобиль йўлларига ўрнатилган фоторадарлар ёрдамида 2018 йилнинг 16 февралидан 23 августига қадар 77 мингдан ортиқ қоидабузарлик аниқлангани ҳақида аввал хабар берилган эди.
Ўзбекистон ИИВ матбуот хизматининг қайд этишича, Тошкент вилояти ИИБ Йўл ҳаракати хавфсизлиги бошқармаси фоторадарлар қайд этган қоидабузарлик сонини ҳудудлар кесимида таҳлил қилган.
Унга кўра, Тошкент шаҳри — 25 623, Сирдарё вилояти — 4053, Жиззах вилояти — 4099, Самарқанд вилояти — 5936, Фарғона вилояти — 4586, Наманган вилояти — 2595, Андижон вилояти — 3028, Қашқадарё вилояти — 4464, Сурхондарё вилояти — 2163, Бухоро вилояти — 1359, Навоий вилояти — 848, Хоразм вилояти — 769, Қорақалпоғистон Республикаси — 554 ва Тошкент вилоятига тегишли бўлган 13 414 автомобиль белгиланган тезликни ошириш қоидабузарлигини содир этган.
Бундан ташқари, махсус автоматлаштирилган фото- ва видеоқайд этиш техника воситалари орқали аниқланган қоидабузарликни кўп маротаба содир этиб, тўловларни ўз вақтида амалга оширмаётган ҳайдовчилар рўйхати шакллантирилди ва ундириш чоралари кўрилмоқда. Мисол учун:
- Matiz русумли, давлат рақам белгиси 20 L 564 BA бўлган автомашина 11 маротаба (жарима миқдори — 2 миллион 583 минг 600 сўм);
- Cobalt русумли, давлат рақам белгиси 10 C 080 LA бўлган автомашина 8 маротаба (жарима миқдори — 2 миллион 66 минг 880 сўм);
- Lacetti русумли, давлат рақам белгиси 30 S 733 LA бўлган автомашина 5 маротаба (жарима миқдори — 2 миллион 928 минг 80 сўм);
- Spark русумли, давлат рақам белгиси 10 C 014 KA бўлган автомашина 5 маротаба (жарима миқдори — 1 миллион 550 минг 160 сўм);
- Nexia русумли, давлат рақам белгиси 01 D 120 JA бўлган автомашина 5 маротаба (жарима миқдори – 861 минг 200 сўм);
- Lacetti русумли, давлат рақам белгиси 01 A 909 QA бўлган автомашина 5 маротаба (жарима миқдори — 2 миллион 239 минг 120 сўм);
- Lacetti русумли, давлат рақам белгиси 80 G 969 HA бўлган автомашина 4 маротаба (жарима миқдори — 588 минг 960 сўм).
Изоҳ (0)