Toshkent shahridagi bozorlar va ular yaqinidagi avtoturargohlar faoliyati toʻliq avtomatlashtirilib, ulardan inson omili toʻliq chiqarib tashlanadi. Spot’ning yozishicha, bu Oʻzbekiston Prezidentining Toshkentda boshqaruvning alohida tartibini joriy etish toʻgʻrisidagi farmonining “yoʻl xaritasi”da belgilangan.
Bozorlardagi avtoturargohlarni avtomatlashtirish toʻgʻrisidagi hujjat 15 oktabrga qadar imzolanishi kutilmoqda. Shu hujjat bilan, shuningdek, bozordan joy olishni avtomatlashtirish loyihasi ham tasdiqlanishi lozim.
Loyihaga koʻra, maxsus bankomatlar orqali savdo joyi uchun elektron talon-ruxsatnoma olish mumkin boʻladi. Talon navbat asosida beriladi.
Avtoturargohlar faoliyatidan inson omilining chiqarib tashlanishi korrupsiya darajasini qisqartirishga yordam beradi, deb umid qilinyapti. Masalan, avtoturargohlar faoliyati yaxshi nazorat qilinmagani bois, iyun oyida 18 milliard soʻm pul byudjetga tushmagan.
Izoh (0)