Afg‘oniston TIV sentabr boshida Moskvada o‘tadigan Afg‘oniston bo‘yicha uchrashuvda Kobul ishtirok etmasligi haqida bayonot berdi, deb xabar bermoqda “Interfaks”.
“Tinchlik o‘rnatish bo‘yicha jarayon Afg‘oniston Islom Respublikasi rahbarligi ostida o‘tkazilishi kerak. Biz Moskvadagi muzokaralarda ishtirok etmaymiz”, — deydi vazirlik vakili Sibxgat Ahmadiy.
Qayd etilishicha, Afg‘oniston hukumati shu paytga qadar muzokaralarga rasmiy taklifnoma olgani yo‘q.
Avvalroq, Rossiya TIV 4-sentabrda o‘tkaziladigan Moskva formatidagi maslahatlashuvga 12 ta davlat, shu jumladan AQSh ham taklif qilingani haqida xabar berilgandi. Rossiya tashqi siyosiy mahkamasi ushbu yig‘ilishga Doha shahridagi toliblar harakatining siyosiy ofisi rahbariyatini ham taklif etganini qayd etib o‘tgandi.
Izoh (0)