O‘zbek hunarmandlari Fransiyada 20—29-iyul kunlari o‘tkazilgan “Dunyo madaniyati – Ganna – 2018” festivalida muvaffaqiyatli ishtirok etdi. Bu haqda “Xalq so‘zi“ xabar bermoqda.
— YuNESKO xalqaro tashkiloti tomonidan 45-bor tashkil etilgan ushbu festival Fransiyada bo‘lib o‘tayotgan O‘zbekiston madaniyati kunlariga to‘g‘ri keldi, — deydi Respublika “Hunarmand” uyushmasi matbuot kotibi Nilufar Hotamova. — Tadbir doirasida tashkil etilgan milliy liboslar namoyishi, musiqa, urf-odatlar, an’analar va o‘zbek taomlarining rang-barangligi ishtirokchilarda katta qiziqish uyg‘otdi.
Ayniqsa, “Hunarmand” uyushmasi tomonidan xalq amaliy san’ati namunalari, xususan, yog‘och o‘ymakorligi, kashta, miniatyura, milliy liboslar va kulolchilik mahsulotlari, shuningdek, “Sardoba” folklor-etnografik ansambli, “Lazgi” guruhi tomonidan ijro etilgan ”Yor-yor”, “Kelin-salom” va “Beshik to‘yi” kabi marosimlar ishtirokchilarning olqishiga sazovor bo‘ldi.
Izoh (0)