Bosh prokuratura va Madaniyat vazirligi mamlakatning barcha muzeylarida tekshirishlar o‘tkazadi. Bu haqda matbuot anjumani chog‘ida madaniyat vaziri Baxtiyor Sayfullayev ma’lum qildi, deya xabar beradi “Podrobno.uz”.
“Respublika Bosh prokuraturasi bilan barcha muzeylarni tekshirish bo‘yicha maxsus memorandum imzoladik. Barchasini noldan boshlashni istaymiz. Tekshiruvlarda mutaxassislarimiz ishtirok etadi, inventarizatsiya o‘tkaziladi”, — dedi vazir.
Eslatib o‘tamiz, o‘tgan haftada Savitskiy nomli Qoraqalpog‘iston davlat muzeyida noyob surat shikastlangan va bu OAV hamda ijtimoiy tarmoqlarda shov-shuvlarga sabab bo‘lgandi.
Izoh (0)