Malayziyada smartfon portlashi oqibatida odam halok bo‘ldi

Malayziyada Cradle Fund kompaniyasi rahbari Nazrin Hassan o‘z yotoqxonasida smartfon portlashi oqibatida vafot etdi. Bu haqda “Korrespondent.net” xabar qildi.

Xabar berilishicha, erkak o‘limining aniq sababi hozircha noma’lum. Biroq o‘limga gadjet bo‘lagidan olingan jarohat sabab bo‘lgani aytilmoqda. Boshqa taxminga ko‘ra, o‘limga smartfondan chiqqan tutun ham sabab bo‘lgan bo‘lishi mumkin.

Halok bo‘lgan erkakning kuyovi tomonidan ma’lum qilinishicha, unda ikkita smartfon — Blackberry va Huawei bo‘lgan. Aynan qaysi smartfon portlaganiga ham aniqlik kiritilmagan.