Nokia 8 Sirocco, 7 Plus va 6.1 smartfonlari dasturiy yangilanmalar orqali yuzni tanib olish funksiyasiga ega bo‘ladi

So‘nggi ikki yil ichida Nokia mahsulotlari lineykasi ishonib bo‘lmaydigan darajada kengaydi. Shu bilan birga, kompaniya smartfonlar uchun yangilanmalarni chiqarishni va hatto yangi dasturiy funksiyalarni qo‘shishni ham unutmayapti, deb yozadi Hi-Tech Mail.Ru.

Kompaniya o‘z Twitter’ida Nokia 8 Sirocco, 7 Plus va 6.1 smartfonlari uchun yuzni tanib olish funksiyasini qo‘shishni rejalashtirayotganini ma’lum qildi.

Yuzni skanerlash funksiyasi dastur darajasida qo‘llab-quvvatlanadi. U iPhone X yoki Xiaomi Mi 8 dagidek alohida 3D-sensor emas, balki old kamera yordamida ishlaydi.

Kompaniya yangilanma chiqadigan sanaga aniqlik kiritmadi, u “yaqin oylarda” chiqishi aytildi.