O‘zbekistonda Nokia 3 va Nokia 5 smartfonlari sotila boshladi, deb yozadi “Mobinfo.uz”. Ular yil boshida Barselonadagi ko‘rgazmada taqdim etilgan edi. Nokia 3 yangi lineykadagi eng arzon smartfon bo‘lsa, Nokia 5 butunlay metall korpusli o‘rta sinfga tegishli qurilmadir.
Nokia 3 modeli 5 dyuymli va 720×1280 pikselli displey, to‘rt yadroli protsessor, 8 megapikselli kameralar, 16 Gb doimiy va 2 Gb tezkor xotiraga ega. Android 7.0 Nougat operatsion tizimida ishlaydi.
Nokia 5 esa 5,2 dyuymli Corning Gorilla Glass shishasi bilan himoyalangan displey, Qualcomm Snapdragon 430 protsessori, 13 megapikselli asosiy va 8 megapikselli old kamera bilan jihozlandi. Xotiralari hajmi va operatsion tizimi Nokia 3 niki bilan bir xil.
Toshkentdagi “Malika” savdo markazida Nokia 3 smartfoni 1 million so‘m, Nokia 5 esa 1 230 000 so‘mga sotilmoqda.
Ushbu qurilmani ko‘rsatilgan narxda sotib olishga “Daryo” nashri kafolat bermaydi. Qurilma va uning narxi haqidagi axborot faqat tanishish uchun taqdim etilgan.
Izoh (0)