Korrupsiya jinoyati uchun 12 yilga ozodlikdan mahrum etilgan Braziliyaning sobiq prezidenti Luis Inasiu da Silva Rede TVT telekanali va Brasil Atual radiostansiyasi uchun futbol bo‘yicha 2018-yilgi jahon chempionati uchrashuvlarini sharhlab boradi. Bu haqda “Kommersant” xabar bermoqda.
Lula da Silva Rossiyada o‘tayotgan chempionat haqidagi fikrlarini yozib olib, ularni “Papo com Zé Trajano” dasturi tahririyatiga yo‘llaydi. Sobiq prezidentning fikrlari 18-iyun kuni — Braziliya va Shveysariya terma jamoalari o‘rtasidagi uchrashuvda, jonli efir davomida o‘qib eshittiriladi.
Luis Inasiu da Silva aprel oyi boshida — Braziliya Oliy sudi siyosatchining advokatlari apellyatsiyasini ma’qullashdan bosh tortgach, oxir-oqibat panjara ortidan joy olgan edi. Shunday qilib, Lula da Silva 2018-yilgi Braziliya prezidenti saylovida qatnashish imkonidan mahrum bo‘ldi. Tahlilchilarning fikricha, agar saylovda qatnasha olganida, u g‘oliblik uchun asosiy da’vogar bo‘lardi.
Izoh (0)