AQSh prezidenti Donald Tramp “Katta yettilik” (G7) sammitida hamkorlariga nisbatan keskin so‘zlar aytgan. Bu haqda Wall Street Journal’ga tayanib, “RIA Novosti” xabar berdi.
Ma’lumotlarga ko‘ra, Eron va terrorizmga oid mavzularni muhokama qilish chog‘ida Tramp Fransiya prezidenti Emmanuel Makronga Parijdagi terrorchilar haqida gapirgan.
“Siz shuni bilib qo‘ying Emmanuel, chunki hamma terrorchilar Parijda joylashgan”, — deya iqtibos keltiradi gazeta Amerika rahbarining so‘zlaridan.
Manbaning qayd etishicha, Yevropadagi migratsiya masalasini muhokama qilish paytida Donald Tramp Yaponiya bosh vaziri Sindzo Abega: “Sindzo, sizda bu muammo yo‘q, lekin sizga 25 millionta meksikalikni jo‘natishim mumkin va siz tez orada ishsiz qolasiz”, degan.
O‘z navbatida Amerika kompaniyalari mahsulotlariga nisbatan bojlar kiritilishi hamda Berlin va Parij tomonidan ikki tomonlama savdo kelishuvlari rad etilganligi uchun Yevropa Ittifoqi raisi Jan-Klod Yunker Tramp tomonidan “shafqatsiz qotil”, deb atalgan.
Izoh (0)