Afg‘oniston va Pokiston o‘rtasidagi chegarada amalga oshirilgan aviazarba natijasida Pokiston “tolib”larining yetakchisi Mulla Fazlulla yo‘q qilindi. Bu haqda Afg‘oniston mudofaa vaziri Muhammad Radmanish ma’lum qildi, deb xabar beradi “Korrespondent.net”.
“Pokistondagi ‘Tolibon’larning yetakchisi Mulla Fazlulla Kunar viloyati chegarasida Amerika bilan birgalikda amalga oshirilgan operatsiya vaqtida o‘ldirilganini tasdiqlayman”, — deyiladi vazirning bayonotida.
Shuningdek, Amerika harbiylari ham mazkur operatsiya o‘tkazilganini tasdiqlagan. AQSh armiyasining rasmiylaridan biri esa aynan Fazlulla o‘ldirilganiga aniqlik kiritgan.
Joriy haftada Afg‘onistonda ro‘y bergan teraktlar o‘qibatida 36 kishi halok bo‘lgan. Mamlakat hukumati ushbu teraklarni tashkillashtirishda “Tolibon”ni ayblamoqda. Biroq hozircha mamlakatdagi birorta tashkilot ushbu hujumlar seriyasi bo‘yicha mas’uliyatni o‘z zimmasiga olgani yo‘q.
Izoh (0)