Janubiy Koreya sudi kompaniya xodimining ketma-ket uchta korporativdan so‘ng o‘tkir alkogol intoksikatsiyasidan ishlab chiqarishdagi o‘limini e’lon qildi. Bu haqda The Korea Herald nashri xabar bermoqda.
Qayd etilishicha, mamlakatning ishbilarmonlik madaniyatiga ko‘ra, mehnat jamoalari rahbariyat bilan birga ko‘ngilochar maskanlar yoki restoranlarga faqat bayram kunlari emas, balki boshqa kunlarda ham tashrif buyurishlari kerak. Janubiy Koreyada bunday vaqt o‘tkazishdan voz kechish yomon odat hisoblanadi. Shu munosabat bilan Seul ma’muriy sudi marhumning oilasi tarafini olgan va uning o‘limini ish bilan bog‘liq deb topgan.
Ma’lum qilinishicha, 2022-yilning 29-iyun kuni savdo menejeri mijoz bilan kechki ovqat qilgan. 30-iyun kuni esa xodim yuqori martabali hamkasbi tomonidan jamoani birlashtirish maqsadida tashkil etilgan korporativ kechki ovqatga tashrif buyurgan. 1-iyul kuni erkak chet eldagi ofisning ikki yangi xodimi sharafiga uyushtirilgan yana bir kechki ovqatda ishtirok etgan. Oxirgi uchrashuvda tadbirning barcha ishtirokchilari xarajatlarni bo‘lishgan, menejer 1 million von (723 dollar) sarflagan.
2-iyul kuni erkak uy yonidagi avtoturargohda o‘z mashinasida o‘lik holda topilgan. Ekspertiza xulosalariga ko‘ra, mutaxassislar o‘limga o‘tkir zaharlanish sabab bo‘lgan degan xulosaga kelishgan. Bu qisqa vaqt ichida katta miqdordagi spirtli ichimliklarni iste’mol qilish natijasida yuzaga kelgan.
Sudda asosiy yuridik tortishuv so‘nggi uchrashuv xarakteri atrofida bo‘lgan. Sug‘urta kompaniyasi 1-iyuldagi kechki ovqat korporativ bo‘lmagan degan qarorga kelgan. Uning fikricha, xarajatlar taqsimoti shundan dalolat beradi. Sud, o‘z navbatida, menejer va yangi xodimlar o‘rtasidagi munosabatlarning tabiatini va ular o‘rtasidagi hamkorlik aynan kompaniya manfaatlariga xizmat qilishini hisobga olgan.
“Spirtli ichimliklar ichish kechasi, ehtimol, ish bilan bog‘liq kontekstga ega bo‘lgan, chunki menejerni chet elga xizmat safariga yuborish arafasida chet ellik ishchilar taklif qilingan”, deb hisobladi sud.
Sudning qo‘shimcha qilishicha, marhumga bunday sharoitda spirtli ichimlikdan voz kechish qiyin bo‘lgan va 1 million vonlik xarajatlar oddiy shaxsiy uchrashuv uchun juda yuqori hisoblanadi.
Izoh (0)