Bir qator viloyatlarda IIB boshlig‘i o‘rinbosarlari tayinlandi

O‘zbekiston Ichki ishlar vazirligi tizimida yangi tayinlovlar amalga oshirildi, deb yozadi UzNews.

IIV matbuot xizmati xabariga ko‘ra, podpolkovnik Ayubxon Rahmatullayev Farg‘ona viloyati Ichki ishlar boshqarmasi boshlig‘i o‘rinbosari — Moliyaviy va moddiy-texnik ta’minot boshqarmasi boshlig‘i bo‘ldi.

Podpolkovnik Komiljon G‘afforov Surxondaryo viloyati IIB boshlig‘i o‘rinbosari — Tergov boshqarmasi boshlig‘i lavozimini egalladi.

Namangan viloyati IIB boshlig‘i o‘rinbosari — Moliyaviy va moddiy-texnik ta’minot boshqarmasi boshlig‘i podpolkovnik Tohirjon Nosirov bo‘ldi.

Jizzax viloyati IIB boshlig‘i o‘rinbosari — Moliyaviy va moddiy-texnik ta’minot boshqarmasi boshlig‘i etib polkovnik Shuhrat Qo‘chqoraliyev tayinlandi.

Podpolkovnik Mo‘minov Shuhrat Farg‘ona viloyati IIB boshlig‘i o‘rinbosari bo‘ldi.

Samarqand viloyati IIB boshlig‘i o‘rinbosari lavozimini podpolkovnik Asqar Umarov egalladi.

Podpolkovnik Aziz Qarshiyev Buxoro viloyati IIB boshlig‘i o‘rinbosari etib tayinlandi.