Joriy yilning 9-iyun kuni Samarqand viloyati, Pastdarg‘om tumanidan oqib o‘tuvchi Zarafshon daryosidan daraxt shoxchalariga ilingan 45-50 yoshlardagi noma’lum erkak kishining jasadi topilgandi. Bu haqda IIV jamoatchilik va OAV bilan aloqalar boshqarmasi xabar berdi.
O‘tkazilgan sud-tibbiy ekspertizasi marhum cho‘kib o‘lmaganini ko‘rsatdi.
Ko‘rilgan tezkor choralari natijasida ushbu jinoyatni marhum M.X.ning o‘g‘li Sh.M. shu yil 30-may kuni sodir etganligi aniqlandi. U uyida otasi mast holda janjal qilganligi uchun uni bo‘g‘ib o‘ldiradi.
Bundan xabardor bo‘lgan Sh.M.ning onasi Sh.X. u bilan birgalikda turmush o‘rtog‘ining jasadini gilamga o‘rab, ustiga temir jism bog‘lab, 31-may kuni Qoradaryoga tashlab yuboradi.
Ona-bola jinoyatchilar qo‘lga olindi.
Izoh (0)