AQShning Florida shtati Orlando shahrida politsiya xodimlari bir kun oldin garovga olingan to‘rt bolani va garovga olgan shaxsning o‘zini ham o‘lik holda topdi, deb yozadi “TASS”.
Geri Ueyn Lindsi ismli erkak o‘z joniga qasd qilgan. Avvalroq u bir nechta jinoyatlarni amalga oshirganlikda aybdor deb topilgan va unga sinov muddati berilgan edi. Qurbon bo‘lgan bolalarning shaxsi oshkor etilmayapti, ammo ularning yoshi 1 dan 11 yoshgacha bo‘lgani ma’lum.
10-iyun, yakshanba kuni politsiyaga ayol kishi qo‘ng‘iroq qilib, uni do‘sti do‘pposlaganini yetkazgan. Voqea joyiga kelgan huquq-tartibot xodimlari Lindsini qo‘lga olishga uringan, ammo ularning xatti-harakatlariga javoban u o‘t ochgan. Natijada politsiyachilardan biri jiddiy jarohat olgan. Shundan keyin Lindsi to‘rt bola bilan uyga qamalib olgan.
Izoh (0)