Yaqin Sharqdagi inqirozni ikki mamlakatning ham mavjudligini ta’minlash orqali hal etish mumkin. Bu haqda Yevroittifoqning tashqi ishlar va xavfsizlik siyosati bo‘yicha oliy vakili, Yevrokomissiya vitse-prezidenti Federika Mogerini ma’lum qildi, deb xabar beradi “Korrespondent.net”.
Uning ta’kidlashicha, Yevropa Ittifoqining pozitsiyasi Quddusni ham Isroilning, ham Falastinning poytaxtiga aylantirishdan iborat.
“Biz ikki davlatning ham mavjudligi — Yaqin Sharqdagi mojaroni hal etishning yagona chorasi deb hisoblaymiz”, — deydi Mogerini.
Shuningdek, Mogerining qo‘shimcha qilishicha, Yevropa Ittifoqi ushbu maqsadga erishish yo‘lida o‘z qarashlarini o‘zgartirmagan holda ishlashni davom etadi.
Izoh (0)