KXDR davlat televideniyesi tonggi yangiliklar dasturida mamlakat yetakchisi Kim Chen Inning AQSh prezidenti Donald Tramp bilan sammitda ishtirok etish uchun Singapurga tashrif buyurgani haqida xabar berdi, deb yozadi “TASS”.
Yangiliklar syujetiga Kim Chen In Singapurga uchib ketishdan oldin Pxenyan aeroportida faxriy qorovulni tekshirayotgani, KXDR diplomatlari bilan qo‘l berib ko‘rishayotgani, shuningdek, samolyot trapida turib qo‘l silkitayotgani aks etgan kadrlar kirdi.
Bundan tashqari, KXDRlik tomoshabinlar Kim Chen In Singapurga yetib kelganidan keyin mamlakat tashqi ishlar vaziri Vivian Balakrishnan bilan salomlashayotganini va kortejda St. Regis mehmonxonasiga yo‘l olganini ko‘rdi. Shuningdek, Kim Chen Inning Singapur bosh vaziri Li Syan Lun bilan uchrashuvi haqida ma’lum qilindi.
Izoh (0)