“Real” “yangi Neymar” uchun kurashda “Barselona”ni ortda qoldirdi

Braziliyaning “Santos” klubi xavbeki Rodrigo Goes “Real”ga o‘tishga yaqin turibdi, deb yozadi “Sports.ru”.

Qayd etilishicha, “Real” 17 yoshli braziliyalik futbolchi transferi borasida kelishuvga erishib bo‘lgan. Madridliklar “yangi Neymar” deb nomlanayotgan Rodrigo uchun 45 million yevro to‘laydi.

Futbolchiga “Qirollik klubi”ning azaliy raqibi “Barselona” ham xaridor edi, biroq “Real” prezidenti Florentino Peres raqobatda yutib chiqish uchun darhol katta summani taklif etib qo‘ya qoldi.

Eslatib o‘tamiz, 17 yoshli futbolchi Braziyaliya chempionatining so‘nggi turida “Vitoriya” bilan o‘yinda 9 daqiqa ichida uchta gol urib va bitta golli uzatma bergan edi. (5:2).

Ma’lumot uchun 2017-yil mayida “Real” “Flamengo”ning o‘sha vaqtda 16 yoshda bo‘lgan futbolchisi Vinisius Juniorni 45 million yevroga sotib olib, jamoaning o‘zida qoldirgan edi. Vinisus 2019-yilda Madridga keladi.