Kolumbiya terma jamoasi O‘zbekistonga o‘rtoqlik uchrashuvini o‘tkazish taklifi bilan chiqdi, O‘FA esa rad etdi

Xames Rodriges boshchiligidagi Kolumbiya terma jamoasi O‘zbekiston bilan o‘rtoqlik uchrashuvi o‘tkazish bo‘yicha taklif bilan chiqdi, deb yozadi “Championat.asia”.

Kolumbiyaliklar JCh—2018 boshlanguniga qadar Yevropada O‘zbekiston bilan bellashishni istagan, biroq O‘zbekiston futbol assotsiatsiyasi ushbu taklifga rad javobini berdi.

Bunga sabab esa O‘zbekiston terma jamoasi 8-iyun kuni Montevideo shahrida Urugvay bilan o‘rtoqlik uchrashuvi o‘tkazadi. Kolumbiya esa 12-iyun kuni Rossiyaning Qozon shahriga yetib borishi kerak. Urugvay bilan o‘yindan ortga qaytib kelishga vaqt kamligi sabab taklif rad etilgan. Shuningdek, 10—12-iyun kunlari Superligada 15-tur bahslari bo‘lib o‘tishi ham hisobga olingan.