«Реал» «янги Неймар» учун курашда «Барселона»ни ортда қолдирди

Бразилиянинг «Сантос» клуби хавбеки Родриго Гоэс «Реал»га ўтишга яқин турибди, деб ёзади «Sports.ru».

Қайд этилишича, «Реал» 17 ёшли бразилиялик футболчи трансфери борасида келишувга эришиб бўлган. Мадридликлар «янги Неймар» деб номланаётган Родриго учун 45 миллион евро тўлайди.

Футболчига «Қироллик клуби»нинг азалий рақиби «Барселона» ҳам харидор эди, бироқ «Реал» президенти Флорентино Перес рақобатда ютиб чиқиш учун дарҳол катта суммани таклиф этиб қўя қолди.

Эслатиб ўтамиз, 17 ёшли футболчи Бразиялия чемпионатининг сўнгги турида «Витория» билан ўйинда 9 дақиқа ичида учта гол уриб ва битта голли узатма берган эди. (5:2).

Маълумот учун 2017 йил майида «Реал» «Фламенго»нинг ўша вақтда 16 ёшда бўлган футболчиси Винисиус Жуниорни 45 миллион еврога сотиб олиб, жамоанинг ўзида қолдирган эди. Винисус 2019 йилда Мадридга келади.