Qozog‘iston senatining xalqaro aloqalar, mudofaa va xavfsizlik qo‘mitasi raisi, mamlakat prezidentining qizi Darig‘a Nazarboyeva chet eldan turistlarni jalb qilish uchun O‘zbekistonga Shengen vizasining osiyocha varianti — Silk viza’ni yaratishni taklif qildi, deb yozadi “RIA Novosti”.
Qozog‘iston va O‘zbekiston senatorlari o‘zaro uchrashuvda bojxona nazoratini takomillashtirish, savdo aylanmasini o‘stirish, turizm sohasidagi hamkorlikni kuchaytirish bo‘yicha takliflarni bildirdi.
“Nafaqat Qozog‘iston va O‘zbekistonda turizm rivojlanishiga, balki mamlakatlarimizga uzoq xorijdan turistlar tashrif buyurishiga ham turtki berish muhim…, buning uchun esa umumiy vizani yaratish kerak”, — deya uchrashuvda fikr bildirdi Darig‘a Nazarboyeva.
Qozog‘iston senati press-relizida aytilishicha, senator Shengen vizasining osiyocha varianti — Silk viza yaratishni taklif qilgan.
Izoh (0)