Boks. O‘zbekiston termasi eng kuchli tarkibi bilan Rossiya​dagi musobaqada ishtirok etadi. Tarkibda Hasanboy, Shahobiddin, Bektemir va prof boksga o‘tgan Bahodir Jalolov ham bor

Joriy yilning 26—31-may kunlari Rossiyaning Sankt-Peterburg shahrida boks bo‘yicha “Sankt-Peterburg gubernatori kubogi” janglari bo‘lib o‘tadi, deb xabar beradi MOQ matbuot xizmati.

“Mixaylovskiy manej” sport majmuasi mezbonlik qiladigan turnirda Yevropa, Osiyo, Afrika va Amerikaning turli mamlakatlaridan tashrif buyurgan bokschilar ishtirok etadi. Mazkur xalqaro musobaqada O‘zbekiston terma jamoasi bokschilari ham ishtirok etadi.

O‘zbekiston termasi bellashuvlarda quyidagi tarkibda ishtirok etadi:

• -49kg: Hasanboy Do‘smatov
• -52kg: Jasurbek Latipov
• -56kg: Mirzobek Mirzahalilov
• -56kg: Shahobiddin Zoirov
• -60kg: Shunqor Abdurasulov
• -64kg: Aliyor Noraliyev
• -64kg: Iqboljon Xoldorov
• -69kg: Mahmud G‘oipov
• -69kg: Fazliddin Meliboyev
• -75kg: Isroil Madrimov
• -81kg: Bektemir Meliqo‘ziyev
• -91kg: Sanjar Tursunov
• +91kg: Bahodir Jalolov

Shuningdek, o‘zbekistonlik Alisher Polvonov turnirda hakam sifatida faoliyat olib boradi.

Ta’kidlanishicha, terma jamoa Rossiyaning shimoliy poytaxtiga o‘zining eng kuchli tarkibi bilan yo‘l oldi. Marat Qurbonov boshchiligidagi terma jamoa murabbiylar shtabi ushbu turnir orqali Osiyo o‘yinlarida ishtirok etadigan bokschilar jismoniy va funksional holatini yana bir bor sinovdan o‘tkazadi.