Qarshining “Nasaf” klubi yarim himoyachisi Aziz G‘aniyev faoliyatini Jizzaxda davom ettirishi mumkin, deb yozadi “Sports.uz”.
Nashrga ma’lum bo‘lishicha, Jizzaxning “So‘g‘diyona” klubi “ajdarlar” futbolchisi Azizjon G‘aniyevga qiziqish bildirgan. O‘z navbatida qarshiliklar G‘aniyevni 10 milliard so‘m evaziga qo‘yib yuborishlarini ma’lum qilgan. “So‘g‘diyona” esa umidli yarim himoyachi uchun mazkur summani to‘lab berishga tayyor. Tez orada ushbu transfer amalga oshishi mumkin.
Shu o‘rinda futbolchiga Toshkentning “Paxtakor” klubi ham xaridor ekani ta’kidlanadi xabarda.
Izoh (0)