12-may kuni Kann xalqaro kinofestivali doirasida tashkil etilgan o‘zbek pavilyonida Angliya, Argentina, Hindiston, Rossiya, Ispaniya mamlakatlarining yirik kinokompaniyalari va boshqa tashkilotlari vakillari bilan olib borilgan muzokaralar natijasida kelgusidagi loyihalarni amalga oshirish yo‘lida muhim kelishuvlarga erishildi. Bu haqda O‘zA xabar berdi.
Xususan, Angliyaning Amadeus Entertainment kompaniyasi bosh direktori Ivo Fiorenza bilan o‘zbek milliy filmlarini jahon kinobozoriga olib chiqishga ko‘maklashish to‘g‘risida, Hindistonning India International Film Tourism Conclave (IIFTC) kompaniyasi direktori Harshad Bhagvat bilan O‘zbekistonda kinoturizmni rivojlantirish, o‘zbek kino komissiyasini xalqaro anglashuv memorandumlari imzolandi.
Yuqoridagi kelishuvchilar mamlakatning boy lokatsiya imkoniyatlarini jahon kino hamjamiyati e’tiboriga yetkazish va bu orqali O‘zbekistonga filmlar suratga olinishi uchun xorijiy kinokompaniyalarni keng jalb etishga xizmat qiladi.
O‘zbekiston yoshlar ittifoqi va Kinematografiyani rivojlantirish markazi tomonidan Kann xalqaro festivalida tashkil etilgan milliy pavilyoni o‘z ishini davom ettiradi.
Izoh (0)