12 май куни Канн халқаро кинофестивали доирасида ташкил этилган ўзбек павильонида Англия, Аргентина, Ҳиндистон, Россия, Испания мамлакатларининг йирик кинокомпаниялари ва бошқа ташкилотлари вакиллари билан олиб борилган музокаралар натижасида келгусидаги лойиҳаларни амалга ошириш йўлида муҳим келишувларга эришилди. Бу ҳақда ЎзА хабар берди.
Хусусан, Англиянинг Amadeus Entertainment компанияси бош директори Иво Фиоренза билан ўзбек миллий фильмларини жаҳон кинобозорига олиб чиқишга кўмаклашиш тўғрисида, Ҳиндистоннинг India International Film Tourism Conclave (IIFTC) компанияси директори Ҳаршад Бҳагват билан Ўзбекистонда кинотуризмни ривожлантириш, ўзбек кино комиссиясини халқаро англашув меморандумлари имзоланди.
Юқоридаги келишувчилар мамлакатнинг бой локация имкониятларини жаҳон кино ҳамжамияти эътиборига етказиш ва бу орқали Ўзбекистонга фильмлар суратга олиниши учун хорижий кинокомпанияларни кенг жалб этишга хизмат қилади.
Ўзбекистон ёшлар иттифоқи ва Кинематографияни ривожлантириш маркази томонидан Канн халқаро фестивалида ташкил этилган миллий павильони ўз ишини давом эттиради.
Изоҳ (0)