“Barselona”ni mavsum so‘ngida tark etadigan yarim himoyachi Andres Inyesta faoliyatini Osiyoda davom ettiradi, deb yozadi “Sports.ru”
Avvalroq futbolchining Xitoy chempionati ishtirokchisi “Chunsin Lifan” jamoasiga o‘tishi taxmin qilingandi. Xitoyliklar Inyestaga 3 mavsum uchun 81 million yevro maosh va Andresning kompaniyasiga tegishli 6 million shisha vinoni 36 million yevro sotib olishi haqida xabar berilgan edi.
Biroq kecha klub rasmiy bayonnoma bilan chiqdi: “Biz Inyesta bilan hamkorlik yo‘lga qo‘yamiz, ammo u safimizga futbolchi sifatida kela olmaydi”.
33 yoshli futbolchiga Xitoyning boshqa klublari va Yaponiya klubi “Vissel Kobe” xaridor bo‘lib turibdi.
Ma’lumot uchun Yaponiya klub egasi Xiroshi Mikitani “Barselona”ning titul homiysi Rakuten’ning direktori hisoblanadi.
Izoh (0)