«Барселона»ни мавсум сўнгида тарк этадиган ярим ҳимоячи Андрес Иньеста фаолиятини Осиёда давом эттиради, деб ёзади «Sports.ru»
Аввалроқ футболчининг Хитой чемпионати иштирокчиси «Чунцин Лифань» жамоасига ўтиши тахмин қилинганди. Хитойликлар Иньестага 3 мавсум учун 81 миллион евро маош ва Андреснинг компаниясига тегишли 6 миллион шиша винони 36 миллион евро сотиб олиши ҳақида хабар берилган эди.
Бироқ кеча клуб расмий баённома билан чиқди: «Биз Иньеста билан ҳамкорлик йўлга қўямиз, аммо у сафимизга футболчи сифатида кела олмайди».
33 ёшли футболчига Хитойнинг бошқа клублари ва Япония клуби «Виссел Кобе» харидор бўлиб турибди.
Маълумот учун Япония клуб эгаси Хироши Микитани «Барселона»нинг титул ҳомийси Rakuten’нинг директори ҳисобланади.
Изоҳ (0)