1-may kuni O‘zbekistonning Yig‘ma ma’lumotlar milliy sahifasi o‘z ishini boshladi, deb yozadi Spot. Endi chet elliklar o‘zlari odatlangan shaklda ma’lumot olish imkoniyatiga ega bo‘ldi.
Xalqaro valyuta jamg‘armasi O‘zbekistonning Ma’lumotlar tarqatishning kengaytirilgan umumiy tizimi (MTUT)ga qo‘shilishini ma’qulladi va bu xorijiy investorlarning mamlakat bozoriga kirishini yengillashtirishini ta’kidladi.
“Ishonchim komilki, O‘zbekiston uchun MTUTdan o‘z statistika tizimini yanada rivojlantirish uchun asos sifatida foydalanish manfaatli bo‘ladi”, — dedi XVJ Statistika bo‘limi direktori Luis Mark Dyusharm.
XVJ saytida xabar qilinishicha, chet elliklar uchun statistikaning ochilishi katta shaffoflikni ta’minlash yo‘lidagi katta qadam bo‘ldi.
“Endi xorijlik manfaatdor shaxslar, shu jumladan, kredit, reyting va boshqa tashkilotlar real vaqt rejimida O‘zbekiston haqida ma’lumot olishi mumkin, buni XVJ o‘ta muhim deb hisoblaydi”, — deyiladi xabarda.
Sahifaga XVJ talablari va standartlari asosida O‘zbekiston Respublikasi Davlat statistika qo‘mitasi, O‘zbekiston Respublikasi Markaziy banki, O‘zbekiston Respublikasi Moliya vazirligi va “Toshkent” Respublika fond birjasining talab etilayotgan kategoriyalar bo‘yicha statistika ma’lumotlari joylashtirilgan.
Izoh (0)