26-aprel kuni “Binket Group” fabrikasining tantanali ochilishi bo‘lib o‘tdi. Tadbir Toshkent shahri Sergeli tumanida joylashgan fabrika hududida o‘tkazildi.
“Binket Group” MChJ QK 2016-yilning mart oyida xonalararo eshiklar va korpus mebellari ishlab chiqarishga ixtisoslashgan fabrikani qurish ishlarini boshlab yuborgan edi.2018-yilning aprelida fabrikaning uzoq kutilgan tantanali ochilish marosimi bo‘lib o‘tdi. Bugungi kunda Binket Group Markaziy Osiyo mintaqasidagi shunga o‘xshash korxonalarning eng yirigi sifatida tan olingan. Fabrika 8 gektar hududda joylashgan bo‘lib, 23 000 kvadrat metr ishlab chiqarish hududi hamda kuniga 1000 ta eshik ishlab chiqarish quvvatiga ega.
Fabrikaning qurilishi va uskunalarni yetkazib berilishi bilan yog‘ochni qayta ishlash bo‘yicha ilg‘or sanoat texnologiyalari bozorida yetakchi o‘rinni egallab turgan Italiyaning “SCM Group” kompaniyasi shug‘ullandi. Zamonaviy italyan uskunalari tufayli eshik bloklarini seriyali ishlab chiqarish yo‘lga qo‘yildi.
Fabrikaning ochilish marosimiga 200 nafardan ortiq mehmon taklif qilindi, unda Italiya, Germaniya, Ukraina va Rossiyadan kelgan kompaniyaning xorijiy hamkorlari, shahar ma’muriyati vakillari, biznes sektori vakillari, OAV va iste’molchilar guruhi qatnashdi.
Izoh (0)