AQSh Markaziy razvedka boshqarmasi mamlakatga terrorchi Usama bin Ladenni yo‘q qilishda yordam bergan shifokor Shakil Afridiyning Pokiston qamoqxonasidan qochishini uyushtirgan, deb yozadi “RIA Novosti”.
Amerika hukumati shifokorni Peshovar qamoqxonasidan chiqarib olishni rejalashtirgan va uning qochishini tashkillashtirishga uringan. Bu rejani ISI (Pokiston idoralararo razvedka boshqarmasi) barbod qildi. MRBda ishlaydigan mahalliylardan bo‘lgan informator bu haqda sotib qo‘ygan, dedi vaziyatdan xabardor manba.
Avvalroq Afridiy 2017-yil dekabrda rejalashtirilgan qamoqdan qochish tufayli, Peshovardagi qamoqxonadan boshqa joyga ko‘chirilgani xabar berilgan edi.
AQSh maxsus xizmatlari allaqachon Pokistonga murojaat qilib, Afridiyni topshirishni so‘ragan. Amerika maxsus xizmatlari boshqa maxfiy agentlar o‘rtasida o‘ziga bo‘lgan ishonchni saqlab qolish uchun, o‘zining fosh qilingan informatorlarini himoya qiladi.
“Shu sababli MRB hukumat darajasida bir necha marotaba Afridiyni topshirishni so‘ragan. Bu AQSh prezidenti Donald Trampning Pokistonga nisbatan talablari ro‘yxatida asosiysi bo‘lgan”, — dedi AQSh maxsus xizmatlaridagi manba.
Izoh (0)