Papua-Yangi Gvineyada 7,5 magnitudali zilzila oqibatida 30 dan ortiq kishi halok bo‘ldi, deb yozadi “RIA Novosti”.
300 dan ziyod kishi jabrlandi, ko‘plab inshootlar zarar ko‘rdi va vayron bo‘ldi. Yo‘llarda va daryolarda yer ko‘chishlari kuzatildi. Xela va Janubiy Tog‘lik provinsiyalarida elektr ta’minoti uzildi. Tabiiy ofat aviaqatnovlarni to‘xtatib qo‘ydi.
Zilzila oqibatlaridan jabr ko‘rgan tumanlarga qutqaruvchilar jamoasi va harbiylar yuborildi.
AQSh Geologiya xizmati ma’lumotlariga ko‘ra, yer osti silkinishlari mahalliy vaqt bilan 26-fevral, dushanba kuni 03:44 (Toshkent vaqti bilan 22:44)da Porger shahridan 89 km janubi-g‘arbda qayd etilgan. Zilzila o‘chog‘i 35 km chuqurlikda joylashgan.
Izoh (0)