BMT bosh kotibi vakili Stefan Dyujarrik Damashqqa qarashli Sharqiy Guta shaharchasidagi otishmalarda 100 dan ortiq tinch aholi vakillari halok bo‘lganini ma’lum qildi, deb yozadi “Gazeta.ru”.
“Dushanba (19-fevral)dan buyon Sharqiy Gutada 100 dan ziyod kishi o‘ldirilgani, ular orasida kamida 13 bola borligi haqida xabarlar kelib tushmoqda. Sharqiy Gutadagi beshta kasalxona yoki tibbiyot punkti aviazarbalarga uchragan”, — dedi Dyujarrik.
BMTdagilar hisob-kitoblariga ko‘ra, qamal qilingan anklavda 400 mingga yaqin odam bor. Shuningdek, tashkilotdagilar Sharqiy Guta harbiy nizo deeskalatsiyasi zonasi ekanligini eslatdi va jang qilayotgan tomonlarni o‘t ochishni to‘xtatishga chaqirdi.
Izoh (0)