БМТ бош котиби вакили Стефан Дюжаррик Дамашққа қарашли Шарқий Гута шаҳарчасидаги отишмаларда 100 дан ортиқ тинч аҳоли вакиллари ҳалок бўлганини маълум қилди, деб ёзади «Газета.ru».
«Душанба (19 февраль)дан буён Шарқий Гутада 100 дан зиёд киши ўлдирилгани, улар орасида камида 13 бола борлиги ҳақида хабарлар келиб тушмоқда. Шарқий Гутадаги бешта касалхона ёки тиббиёт пункти авиазарбаларга учраган», — деди Дюжаррик.
БМТдагилар ҳисоб-китобларига кўра, қамал қилинган анклавда 400 мингга яқин одам бор. Шунингдек, ташкилотдагилар Шарқий Гута ҳарбий низо деэскалацияси зонаси эканлигини эслатди ва жанг қилаётган томонларни ўт очишни тўхтатишга чақирди.
Изоҳ (0)