Toshkentda LG X Power 2 smartfoni sotila boshladi, deb yozadi “Mobinfo.uz”. Unga 4500 mA/soat sig‘imli batareya va tezkor quvvat olish imkonini beruvchi Quick Charge 2.0 texnologiyasi o‘rnatilgan.
Qurilma 5,5 dyuymli va 1280×720 pikselli IPS-matritsali displey, 8 yadroli MediaTek MT6750 protsessori, 2 Gb tezkor va 16 Gb doimiy xotira, 13 megapikselli asosiy va 5 megapikselli old kameraga ega. Android 7.0 Nougat operatsion tizimida ishlaydi.
Toshkentdagi “Malika” savdo markazida LG X Power 2 1 600 000 so‘mdan taklif etilmoqda. Uni to‘q ko‘k va tillarang korpuslarda sotib olish mumkin.
Taqqoslash uchun, LG X Power 1 200 000 so‘mdan sotilmoqda.
Ushbu qurilmani ko‘rsatilgan narxda sotib olishga “Daryo” nashri kafolat bermaydi. Qurilma va uning narxi haqidagi axborot faqat tanishish uchun taqdim etilgan.
Izoh (0)