Koreyaning ETNews nashri ma’lumotlariga ko‘ra, Galaxy S9 va S9 Plus Samsung qurilmalari ichida birinchi bo‘lib 3D-emodzi va stereodinamiklarga ega bo‘ladi, deb yozadi Hi-Tech Mail.Ru. Ta’kidlanishicha, Samsung’ning 3D-emodzisi Apple’ning Animoji’sidan ancha ilg‘orroq bo‘ladi, ammo mohiyatiga ko‘ra, o‘xshash bo‘ladi. Ikkala texnologiyada ham foydalanuvchining yuz harakatlarini kuzatib, ularga taqlid qiluvchi 3D-personaj bor.
Yil boshida kompaniya o‘zining yangi Exynos chipini namoyish qilib, u “yuzni kuzatish uchun realistik filtrlar”ga hamda qurilmani yuzni tanib olish orqali blokdan chiqarish texnologiyasi uchun ishonchliroq himoyaga ega bo‘lganini ma’lum qildi.
Shuningdek, S9 ga stereodinamiklar o‘rnatiladi. Ular smartfonning tepa va pastki chetlarida joylashadi.
Galaxy S9 va S9 Plus 25-fevral kuni Barselonadagi MWC konferensiyasida taqdim etiladi. ETNews ma’lumotlari bo‘yicha, Galaxy S9 853 dollardan 923 dollargacha bo‘lgan narxda sotuvga chiqishi mumkin.
Izoh (0)