Navoiy viloyati ichki ishlar boshqarmasi xodimlari tomonidan 2018-yil 22-yanvar kuni o‘tkazilgan navbatdagi profilaktika tadbirlarida Navoiy shahri Nurafshon ko‘chasida yashovchi, muqaddam sudlangan Toymas Bekboyev (ism-sharifi o‘zgartirilgan) o‘z xonadonida bangixona tashkil etgani aniqlandi. Bu haqda O‘zbekiston Milliy axborot agentligi xabar berdi.
Bangixonada “Krokodil” nomli giyohvandlik vositasini qo‘lbola usulda tayyorlash va iste’mol qilish uchun sharoit yaratilgan.
Nurafshon ko‘chasida yashovchi, muqaddam sudlangan Bo‘ri Berdiyev xonadonida ham qo‘lbola usulda “Krokodil” giyohvandlik vositasi tayyorlanib, iste’mol qilingani aniqlandi. Bu yerda bir necha ishsiz fuqarolar birgalikda giyohvandlik vositasini iste’mol qilayotganida qo‘lga olingan.
Mazkur holatlar yuzasidan O‘zbekiston Respublikasi Jinoyat kodeksining tegishli moddasi bilan jinoyat ishi qo‘zg‘atilib, tergov harakatlari olib borilmoqda.
Izoh (0)