Hindiston poytaxti Nyu-Dehli politsiyasi o‘z ijaraga beruvchilarining yetti yoshli farzandini o‘ldirganlikda ayblanayotgan erkakni hibsga oldi, deb yozadi Times of India. U bolaning jasadini bir oydan ortiq vaqt davomida jomadonda saqlagan.
Ashish Saini 7-yanvardan buyon bedarak yo‘qolgan deb hisoblangan. Uning jasadini 13-fevral kuni 27 yoshli Avdesh Sakyaning uyidan topishdi, u bolaning ota-onasining uyida ijarada turgan.
Tergov versiyasiga ko‘ra, erkakning ijaraga beruvchilari bilan aloqasi yaxshi bo‘lmagan, shu tufayli garov puli talab qilish uchun bolani o‘g‘irlab ketgan. Ammo Ashishni va uning yo‘qolishiga aloqadorlarni qidirish boshlangach, yigit qo‘rqib ketgan va jinoyatni yashirish uchun bolani o‘ldirgan.
Erkak telefon qo‘ng‘iroqlariga javob bermay qo‘ygach, politsiya shubhalanib, uning uyiga kelgan va tintuv qilgan. Jasad solingan jomadon Sakyaning karavoti ostidan topilgan.
Bolaning otasi bu holatdan hayratga tushdi. Sakya sakkiz yildan buyon ularning uyida ijarada turgan, shuningdek, bolani qidirishga faol yordam berib, hatto uning yo‘qolgani haqida politsiyaga ariza berishga ko‘maklashgan.
Izoh (0)