Xalqaro ro‘yxatdan o‘rin olgan Shavkat Mirziyoyev, Kosonsoydagi ommaviy zaharlanish, Moskvadagi “asr qori” va kunning boshqa muhim xabarlari

5-fevralning e’tiborga molik yangiliklari — “Daryo”ning kechki dayjestida.

1. Shavkat Mirziyoyev yana xalqaro vaziyatga o‘z ta’sirini ko‘rsatgan mashhur insonlar ro‘yxatidan joy oldi. Barselona xalqaro munosabatlar markazi 2017-yilda xalqaro vaziyatga o‘z ta’sirini ko‘rsatgan mashhurlar ro‘yxatini e’lon qildi.

2. Kosonsoyda 36 kishi ovqatdan zaharlandi. Toshkentda esa xodimlari bemorlarga qo‘pollik qilgan klinika ma’muriyati ishdan olindi.

3. 2018-yilda Toshkent shahrida o‘rtacha maosh miqdori 3 million so‘mni tashkil etadi. Qayd etilishicha, Toshkentda oylik maoshlari hajmi 2012-yildan beri uch barobar, pensiyalar ikki baravarga oshgan.

4. O‘zbekistonda uch kun ichida ikkinchi marta YPX inspektorini urib ketishdi. Birinchi voqea Xivada, ikkinchisi esa Buxoroda sodir bo‘lgan.

5. Moskva aholisi “asr qori” suratlarini ijtimoiy tarmoqqa joyladi. Sinoptiklarning baholashicha, Rossiya poytaxiida dam olish kunlari oylik yog‘ingarchilik normasining 122 foizi yoqqan.

6. Xabarovskdagi namanganlik muhojir: “O‘zbekistonda 10 yildan ortiq tadbirkorlik qildim. Hozir Rossiyada qorovulman”. “Daryo” xorijda mehnat qilayotgan o‘zbekistonlik vatandoshlarning fikrlarini e’lon qilishda davom etadi.

7. Futzal. Yaponiyaga qarshi o‘yinda mag‘lub bo‘lgan O‘zbekiston termasi chorak finalga 2-o‘rin bilan yo‘l oldi. Chorak finalda O‘zbekistonga Xitoy Taypeyi, Malayziya yoki Vyetnam raqib bo‘lishi mumkin.

8. Surxondaryoda qishda kamida 1350 abituriyent talabaga aylandi. Ular yarim semestrda bir yillik o‘quv dasturini o‘zlashtiradi. Qayd etishlaricha, o‘qishga qabul qilinganlarning bari to‘lov-kontrakt asosida o‘qiydi.

9. O‘zbekiston Prezidenti matbuot xizmatida tayinlovlar amalga oshirildi. O‘z vaqtida aktyorlik salohiyati bilan tanilgan Husan Solihov Prezident matbuot xizmati huzurida yangi tashkil etilgan media-markaz direktori etib tayinlangan.

10. O‘zbekistonda dollar kursi ketma-ket sakkizinchi hafta oshdi. O‘zbekistonning oltin-valyuta zaxiralarida oltin miqdori qancha?

Bonusiga: “Toshkentdan keladigan kattakon” yoki qachongacha komissiya uchun ishlaymiz? Kolumnist Azizbek Abduvaliyevdan munosabat.