5 февралнинг эътиборга молик янгиликлари — «Дарё»нинг кечки дайжестида.
1. Шавкат Мирзиёев яна халқаро вазиятга ўз таъсирини кўрсатган машҳур инсонлар рўйхатидан жой олди. Барселона халқаро муносабатлар маркази 2017 йилда халқаро вазиятга ўз таъсирини кўрсатган машҳурлар рўйхатини эълон қилди.
2. Косонсойда 36 киши овқатдан заҳарланди. Тошкентда эса ходимлари беморларга қўполлик қилган клиника маъмурияти ишдан олинди.
3. 2018 йилда Тошкент шаҳрида ўртача маош миқдори 3 миллион сўмни ташкил этади. Қайд этилишича, Тошкентда ойлик маошлари ҳажми 2012 йилдан бери уч баробар, пенсиялар икки бараварга ошган.
4. Ўзбекистонда уч кун ичида иккинчи марта ЙПХ инспекторини уриб кетишди. Биринчи воқеа Хивада, иккинчиси эса Бухорода содир бўлган.
5. Москва аҳолиси «аср қори» суратларини ижтимоий тармоққа жойлади. Синоптикларнинг баҳолашича, Россия пойтахиида дам олиш кунлари ойлик ёғингарчилик нормасининг 122 фоизи ёққан.
6. Хабаровскдаги наманганлик муҳожир: «Ўзбекистонда 10 йилдан ортиқ тадбиркорлик қилдим. Ҳозир Россияда қоровулман». «Дарё» хорижда меҳнат қилаётган ўзбекистонлик ватандошларнинг фикрларини эълон қилишда давом этади.
7. Футзал. Японияга қарши ўйинда мағлуб бўлган Ўзбекистон термаси чорак финалга 2-ўрин билан йўл олди. Чорак финалда Ўзбекистонга Хитой Тайпейи, Малайзия ёки Вьетнам рақиб бўлиши мумкин.
8. Сурхондарёда қишда камида 1350 абитуриент талабага айланди. Улар ярим семестрда бир йиллик ўқув дастурини ўзлаштиради. Қайд этишларича, ўқишга қабул қилинганларнинг бари тўлов-контракт асосида ўқийди.
9. Ўзбекистон Президенти матбуот хизматида тайинловлар амалга оширилди. Ўз вақтида актёрлик салоҳияти билан танилган Ҳусан Солиҳов Президент матбуот хизмати ҳузурида янги ташкил этилган медиа-марказ директори этиб тайинланган.
10. Ўзбекистонда доллар курси кетма-кет саккизинчи ҳафта ошди. Ўзбекистоннинг олтин-валюта захираларида олтин миқдори қанча?
Бонусига: «Тошкентдан келадиган каттакон» ёки қачонгача комиссия учун ишлаймиз? Колумнист Азизбек Абдувалиевдан муносабат.
Изоҳ (0)