Xitoylik muhandislar iPhone X smartfoniga “Uyga” tugmasini o‘rnatish imkonini beruvchi qurilmani taqdim etdi, deb yozadi “RIA Novosti”.
9to5Mac portali xabariga ko‘ra, gadjet CES 2018 elektronika ko‘rgazmasida namoyish qilinib, taqdim etilgan eksponatlar ichida eng hayratlanarlisi va eng befoydasiga aylangan.
Adapter Lightning porti orqali ulanadi va foydalanuvchilarga odatiy tugmani qaytaradi. Bundan tashqari, qurilmada naushniklar uchun 3,5 millimetrli port bor, u iPhone X’ga simli garniturani ulash imkonini beradi.
iPhone X 3-noyabr kuni sotuvga chiqqan edi. O‘z flagmanini yaratishda Apple smartfonning deyarli butun yuza qismini egallaydigan 5,8 dyuymli ekran foydasiga Home tugmasidan va unga o‘rnatilgan daktiloskopik skanerdan voz kechgan edi.
Izoh (0)