CES ko‘rgazmasida Xitoy kompaniyalaridan biri Synaptics barmoq izi skaneri o‘rnatilgan smartfon prototipini taqdim etdi, deb xabar beradi Hi-Tech.Mail.Ru.
O‘tgan yili smartfon ishlab chiqaruvchi qaysi kompaniya birinchi bo‘lib o‘z qurilmalarining displeyiga barmoq izi skanerini o‘rnatishi haqida ko‘plab tortishuvlar bo‘lib o‘tgandi; xususan, gap Apple va Samsung kabi kompaniyalar haqida ketgan. Biroq ma’lum bo‘lishicha, ushbu sohada Xitoyning Vivo kompaniyasi birinchiga aylandi.
Las-Vegasda bo‘lib o‘tayotgan CES ko‘rgazmasida ushbu kompaniya dispeyiga Clear ID daktiloskopik datchigi o‘rnatilgan smartfon prototini taqdim etdi. Xabar qilinishicha, skaner faqatgina OLED-ekranlarida ishlay oladi; datchik yonganida displey barmoqni bosish lozim bo‘lgan joyni yoritadi va foydalanuvchining autentifikatsiyasini boshlab yuboradi.
Ma’lumotlarga ko‘ra, ushbu skaner ham oddiy daktiloskopik skanerdan farq qilmaydi. Faqatgina autentifikatsiya jarayoni ko‘proq vaqtni talab etadi.
CES’da namoyish etilgan Vivo prototipi 6 dyuymli hoshiyasiz ekran bilan jihozlangan. Kompaniya ushbu qurilma haqida batafsil ma’lumotlar qachon oshkor qilinishi haqida xabar bermadi.
Izoh (0)